Cardi B-i'n Arena tour neih hun tur puang

American rapper Cardi B chuan kum ruk hnua a vawikhatna atan, Arena tour 'Little Miss Drama Tour' chu a studio album pahnihna, 'Am I The Drama', tunkar Zirtawpnia a tlangzarh tur promote-na atan a nei dawn tih a puang.

Ni 30 chhung arena tour a neih tur hi nakkum February 11 hian Palm Desert, CA-a Acrisure Arena-ah a khuh hawn a ni dawn a, Las Vegas, Los Angeles, Vancouver, Austin, Chicago, New York, Toronto, Philadelphia leh hmun dangah a neih chhunzawm ang. Tour hi April 17-ah Atlanta, GA-a State Farm Arena-ah a tawp khar a ni dawn a ni. 'Little Miss Drama Tour' hi Cardi B full headline arena tour lian ber tur niin, Kia Forum, Los Angeles leh Madison Square Garden, New York City-ahte a vawi khatna atan a nei dawn a ni.