Road To Leitlangpui Band Contest nei dawn

Mizo Band lar hmasa The Vans (Vanhlupuii leh Vanlalruati te band), Creation flame (JB-a te band), Silk band (Zosangliana Murray te band) hming chherna - Mizoram Beat Contest, kum 1975 a neih kum 50-na hriatreng nan 'Road To Leitlangpui Band Contest' buatsaih a ni dawn.

Kum 1975-a Mizorama a vawikhatna atana beat contest buatsaih kha hlimhlawp leh inelna satliah ni loin, Mizoten Band kan hmuh dan thlak danglamtu leh ṭhangtharte thinlunga Band ngaihsanna tuhtu a ni.

Mizorama beat contest awm tawha pawisa fai dawn theihna sang ber tur, 'Road To Leitlangpui Band Contest' audition round hi October 11-ah The Warehouse Cafe, Folkland- ah neih tum a ni a, finalist thlan an ni ang. Registration hi October 4 thleng a tih theih a ni. Leitlangpui Music Festival ni hnihna zan lamah final neih a ni dawn a ni. Band tel tur tam zawk hi Aizawl District leh Mizoram pawn lam band an nih avangin, audition round hi Aizawla neih tura ruahman a ni. Pakhatna hian lawmman, pawisa fai Rs nuai 3 an dawng dawn a, pahnihna in Rs nuai 2 leh pathumnain Rs 50,000 an dawng bawk ang.