Emmy 2025-ah 'The Studio', 'Adolescence' leh 'The Pitt' che ṭha

Emmy Awards vawi 77-na chu Pathianni khan neih niin, American satirical cringe comedy TV series 'The Studio' chu che ṭha ber niin award 13 a dawng. Award a dawn zingah hian best comedy series pawh telin, a changtu ber Seth Rogen chuan best actor a dawng bawk.

Psychological crime drama series 'Adolescence' pawhin award pariat a dawng a, chung zingah chuan best limited or anthology series pawh a tel. He drama series-a a changtu ber Owen Cooper chu acting category-a award dawng zinga naupang ber a ni. Freshman series 'The Pitt' chuan award pathum dawngin best drama series a dawng tel a, he series star Noah Wyle chuan best actor in drama series a dawng bawk.