'Private Taxi' changtu tur puang

Lee Mose-a webtoon 'Private Taxi,' behchhana siama chang tur chu production team-ten nimin September 15 khan an puang. An zingah hian actor Cha Tae Hyun, Lee Jae In, Im Se Mi, Hyun Bong Sik, Lee Yeon Hee, Kim Do Hyun, Mimi, Joo Jong Hyuk, Ye Ji Won, Ahn Ji Ho, Im Ha Ryong, leh Ye Soo Jung te an tel. He drama hi mid-length seasonal drama angin siam a ni dawn a, episode pariat a awm dawn a ni.

Series-ah hian Cha Tae Hyun chu a changtu ber a ni dawn a, project hi Jeon Chang Geun-a'n a direct dawn a ni. Drama music siamtu tur zingah music director hriat hlawh Park Sung II leh Han Saem-te an thawk dun ang. Filming hi kumin September aṭanga neih tura ruahman a ni a, 2026-ah premiere a ni ang.