Anime News Slam Dunk Anime Film thar a awm dawn

Manga creator leh artist Takehiko Inoue chuan Ningani khan a Slam Dunk basketball manga chu film-a siam a ni dawn tih twitter kaltlangin a sawi.

Takehiko Inoue hian anime nge live action film a nih dawn a sawi lo a, mahse Slam Dunk official website lamah chuan anime studio Toei Animation hming a lan avangin anime a nih rin a ni thung. Kum 1990 leh 1996 inkarah khan Slam Dunk manga hi kartin tihchhuah ṭhin niin volume 31 a awm hman a, kum 1993 khan anime series-a tihchhuah leh niin a hit hle a, a chhunzawmna anime pali lai siam a ni bawk.

Slam Dunk manga hi Viz Media chuan english-in a tichhuak bawk a, a anime series hi chu mi tam takin an en ngei tawh a rinawm a, tunhma deuh kha chuan school box leh tiffin box velah pawh a lem a chuang nasa ṭhin hle.

He manga-a a changtupa ber chu Hanamichi Sakuragi a ni a, Shohoku High School-ah lut tharin tleirawl pakhat Haruko a ngaihzawn avanga basketball a khelh chhoh dan chanchin a ni. Sakuragi hi tlangval luck lem lo tak, basketball pawh thiam hran lo tak a ni a, a genre chu sports piah lamah hian comedy a ni a, a anime en tawhte chuan nuihna tur a tam zia an hre chiang hle ang.