EA-in "The Sims 4" gameplay trailer tichhuak

Video games hrang hrang chungchang content siam ṭhin leh games pawh siam ṭhin, Electronic Arts(EA) chuan video games ngaihhlut hlawh 'The Sims 4' gameplay trailer leh expansion chu Nilaini khan an tichhuak. Trailer tihchhuahah hian vacation-theme lam tarlan a nih bakah, feature eng emaw zat update a awm tih an tarlang bawk.

"The Sims 4 Adventure Awaits" chungchanga EA-in description pack an tihchhuahah Simmers te chuan Sims kaltlang hian thil thar hrang hrang an tithei dawn. Games chhungah hian 'imaginary friends' te chu a takah chantir theih a ni dawn a, hawi khawthawnna turin Camp Gibbi Gibbi, Revive & Thrive leh Love Highland-ah te a kal theih dawn. Chumai bakah mahni duhdana hmun siam chawp pawh a theih dawn. Adventure Awaits hi USD 39.99 (Rs 3,536 ) man bawr velin October 2 a tlangzarh a nih hunah lei theih a ni dawn. Game hi EA app, Epic Games Store, Steam, leh Playstation 4 & 5 console, Xbox Series XS leh Xbox One system-ahte khelh theih a chhawp chhuah nghal a ni ang.