Spotify-in HD Lossless Audio tlangzarh

Audio streaming leh media service Spotify chuan audio quality ṭha zawk siam a tum tih a sawi aṭanga kum li hnuah, HD lossless audio chu premium subscriber-te tan market thlan bikah a pe chhuak ta. He feature hi Spotify free, ad-supported version-ah chuan a awm dawn lo thung.

Premium subscriber-te chuan lossless audio an hman theih hunah notification an dawng dawn a ni. Lossless hi market 50-ah October thla chhunga tihchhuah tum niin, U.S. bakah Australia, Austria, Czechia, Denmark, Germany, Japan, New Zealand, the Netherlands, Portugal, Sweden and the U.K.-a premium subscriber-te chuan feature thar hi an hmang ṭan tawh tih company chuan an puang. Spotify lossless audio feature-ah hian FLAC (free lossless audio codec) hmangin 24-bit depth thleng encode track-te chu sample rate 44.1 kHz-in a stream theih dawn a, original recording aṭangin data engmah hloh loin a playback thei dawn a ni.