IU single thar Melon chart-ah che ṭha

South Korean singer-songwriter leh actress IU chuan September 10-a a tihchhuah, a digital single thar ber 'Bye, Summer' chuan Korean streaming platform hrang hrangah thawm a nei lian nghal hle a, Melon Hot 100 leh Bugs' real-time chart-ah No. 1 a nihpui.

'Bye, Summer' hi ram pawn lamah pawh a che ṭha hle a, iTunes Worldwide Top Songs chart-ah No. 47 niin, Taiwan-ah No.1 a ni a, Hong Kong-ah No. 2 a ni bawk. IU hian 'Bye, Summer' hi a tour concert, nikum September thlaa Seoul Cup Stadium-a neihah a perform a, a hla kalhmang chu fan-te duhzawng tak niin, official-a tlangzarh tura an ngenna angin a ti hlawhtling ta a ni. September 13-14 hian fan meeting 'Bye, Summer' tih chu KSPO Dome-ah a nei bawk dawn a ni.