American Idol Season 24 host atan Ryan Seacrest bawk

Khawvel ngaihven reality show 'American Idol' season 24 chu nakkum kum laihawl aṭangin neih ṭan a ni leh dawn a, judge turte pawh thla hmasa khan puan an lo ni tawh bawk. Kum dang ang bawkin American Idol season thar hi season 1, kum 2002 a neih aṭanga co-host, season 2 aṭanga solo-a host ṭantu Ryan Seacrest chuan a host chhunzawm leh dawn.

American Idol host tur Seacrest hian sulhnu a nei ṭha tawh hle a, Idol bakah show lian tak tak "Wheel of Fortune" leh “Dick Clark’s New Year’s Rockin’ Eve” te a lo host tawh bawk. Audition hi August 26 aṭang khan neih ṭan tawh niin US-a state hrang hrang 50-ah kalpui a ni a, September 24 thleng neih a ni ang. Kum 2018 season 16 aṭanga judge lo ni tawh Luke Bryan leh Lionel Richie-te kan hmu leh dawn a, anni bakah hian Season 4 winner Carie Underwood pawh judge panel-ah kan hmu dawn bawk a ni.