PUBG leh PUBG mobile Championship a rualin huaihawt a ni dawn

Game developer lian KRAFTON chuan an hnuaia video game siam PUBG leh PUBG mobile championship chu a rualin huaihawt a nih tur thu an puang. KRAFTON chuan PUBG Global Championship (PGC) leh PUBG MOBILE Global Championship (PMGC) chu event khatah kumin November hian Bangkok, Thailand-ah huaihawt a tum a ni.

PUBG leh PUBG mobile-te hi tun hma chuan game hrang ve ve anga ngaih ṭhin a ni a, games dang Pokemon World Championship leh SuperFest an tih, game developer SUPERCELL hnuaia games hrang hrang (Brawl Stars, Clash of Clans leh Clash Royale) te a ruala in elna an buatsaih ang kha an rawn kalpui ve tawh dawn niin a lang. PMGC hi ṭum danga inelna buatsaih tawh dan kalhmanga kalpui leh tur a ni dawn a, team 16 te'n inelna hi an hmachhawn ang. Hetih laiin PUBG tourney zawk erawh eng anga kalpui tur nge ni dawn tih an la tarlang lo thung.