'My Hero Academia' live-action adaptation siam a ni dawn

Anime-in film industry awp mek karah manga series hralh hlawh ber zinga mi 'My Hero Academia' chu Netflix leh Legendary thawh dunna hnuaiah live-action adaptation siam tum a ni. Hemi hma pawhin Netflix-ah hian Bleach leh Kingdom chu live-action adaptation-ah lo siam tawhin an che ṭha dun hle. Academia hi kum 2014 khan weekly comic magazine Shonen Jump-ah tihchhuah ṭan niin copy maktaduai 100 chuang hralh a ni nghe nghe.

My Hero Academia live-action adaption siam turah hian Wonder Woman leh Argylle live-action ziaktu, Jason Funchs chu biak fel a ni tawh a, Bleach leh Kingdom adaptation siamtu Shinsuke Sato nen an thawk dun dawn a ni. Fuch hian Wonder Woman bakah Stephen King lehkhabu behchhana siam, 'It: Welcome to Derry' ah khan co-creator, co-showrunner leh executive producer a lo ni tawh bawk. Live action adaptation hi engtika tihchhuah tur nge tih production company lam hian an la tichiang lo a, mahse, project hi buaipui leh kalpui chhoh mek a nih thu an tarlang thung.