US-ah Stray Kids che ṭha

Korean boy band Stray Kids chuan khawvel huapin thawm an nei lian zel a, United States music market-ah an che ṭha hle. Report thar berin a tarlan danin, an group hian kumin chhungin US-ah hian album mtd 1 chuang an hralh tawh a, K-Pop act zinga hetiang dinhmun thleng thei hmasa ber an ni.

Album an tlangzarhte hi international chart-ah pakhatna an nihpui thei zel a, Billboard 200-ah ṭum sarih No.1 an nih tawh bawk, BTS an khum tawh a ni. BTS hian album chart-ah vawi ruk No 1-ah an lang a, Stray Kids hian an album thar ber 'KARMA' chu No 1-ah lanpui lehin BTS hi an khum ta a ni. Mahse, BTS hian nakkum kumtir lamah music tihchhuah thar an tum a, an inum chhoh ngei a rinawm. Hetih lai hian Stray Kids hian project thar kalpui tur an nei mek bawk a, world tour leh brand hrang hrang nen an thawh hona tur pawh a tel.