DRX ambassador thar atan QWER member Hina ruat

Korean Esport oraganization DRX chuan an official ambassador thar atan K-pop girl band QWER band guitarist leh keyboardist ni bawk Jang Na-Young 'Hina' an ruat tih an puang. Esports leh K-Pop in khawvel a thunun chhoh mek karah DRX leh Hina-te hian an thawh dun thu hi an rawn puang a ni.

DRX hnuaiah hian games hrang hrang League of Legends, Valorant, leh Takken huangah team ṭha tak din a ni a, DRX chuan an thawh dunna hian nasa taka fan-te thinlung a hneh ngei an beisei tih an tarlang bawk. Hina hi QWER member a nih hmain TikTok lamah content creator lar leh cosplayer anga hriat hlawh ṭhin a ni a, kum 2023 tawp lam aṭang khan band-ah hian a inlan ṭan a ni.

Espots leh K-Pop hi an thawh dun vawikhatna a ni lo a, PUBG siamtu KRAFTON leh K-Pop girl group 'aespa' chu PUBG Nations Cup-ah khan an lo thawk dun tawh bawk.