Ariana Grande-i'n tour nei dawn

American singer-songwriter leh actress Ariana Grande chuan kum sarih hnuah a vawi khatna atan tour a nei dawn tih a puang. 'Eternal Sunshine' tour chu kum 2026-ah a nei dawn tih a Instagram story-ah tarlangin, June 6, 2026-ah Oakland, California-ah khuh hawn a ni dawn tih a puang nghal bawk.

Tour a neihna hmun tur hi Los Angeles, Austin, Brooklyn, Chicago, Boston, Montreal bakah London-ah zan nga a perform bawk ang. Grande hian December 2019 khan a album 'Sweetener' leh 'Thank U, Next' tour neiin, rimawi lama a chet chhuah hnuhnung ber a ni.

A studio album pasarihna 'Eternal Sunshine' chu kum kal ta March thla khan ti chhuakin, lemchan lama a insawrbing avangin tour a la nei lo a ni.