Mariah Carey-in album thar chhuak tur track list tichhuak

American singer leh songwriter, Mariah Carey chuan a studio album 16-na tihchhuah tur 'Here for It All' track list 11 chu Nilaini khan a tichhuak. Album tharah hian zaithiam dang pahnih Anderson .Paak leh The Clark Sisters a thawhpuina hla a awm tel dawn bawk. Album hi September 26 hian tlangzarh a ni ang.

Track list tihchhuah aṭanga a landanin Anderson .Paak nen hian "Play This Song" ah an thawk dun a, The Clark Sister nen "Jesus I Do" track-ah an thawk ho bawk. Carey hian album-a single pahnih "Type Dangerous" leh "Sugar Sweet" te tichhuak tawh. Kumin September 7-a sem tur 'MTV Video Music Awards' ah Mariah Carey hnenah hian "Video Vanguard Award" hlan a ni dawn a ni.