China Box Office-ah 'The Shadow's Edge' che ṭha; Korean Box office-ah ‘Demon Slayer: Infinity Castle’

iQiYi Pictures thriller, Hong Kong martial artist leh actor Jackie Chan channa 'The Shadow's Edge' chu Chinese Box Office-ah tih chhuah a nih aṭanga a kar hnihnaah No. 1 ah awmin, USD mtd 25.4 a lak luh belh leh. Tun dinhmunah USD mtd 77.5 a la lut tawh a, global chart-ah pathumna a ni bawk.

Japanese animation “Demon Slayer: Kimetsu no Yaiba – The Movie: Infinity Castle” chu August 22 khan Korea-ah tlangzarh a ni a, kar hmasa chhung khan Korean Box office a thunun nghal. 'Demon Slayer' animation hi kar hmasa chhung khan screen hrang hrang 2,298-ah pek chhuah a ni a, KOBIS tarlan danin mi maktaduai 1.6 velin an en anga chhut a ni a, USD mtd 12.6 a la lut tling nghal.

China box office top 5-ah Shanghai Animation film 'Nobody' , 'Dead to Rights', 'Final Destination: Bloodlines' leh 'The Bad Guys 2'te an lang a, Korean box office top 5-ah 'My Daughter is a Zombie' leh Brad Pitt channa F1: The Movie' bakah, Japanese horror mystery 'Kinki' leh SKorean romantic comedy 'Pretty Crazy' te an lang bawk a ni.