Matt leh Ross Duffer-te Paramount nen thawk dun

American television series 'Stranger Things' siamtu Matt leh Ross Duffer-te chu Paramount nen an thawk dun dawn. An unau leh Netflix-in inremna an siam chu April 2020-ah a tawp tawh dawn a, Paramount-ah hian movie, television leh streaming project hrang hrang siamna atan kum li chhung inremna an siam a ni.

Inremna an siamah hian theatrical film lian tham tak tak siam a ni dawn a, project-te chu an production company, Upside Down Pictures leh an producing partner, company president Hilary Leavitt kaltlanga siam a ni ang.

Matt leh Ross-te chuan Paramount nen an thawk ho tur chu an phur tawh thu an sawi. Hetih rual hian Netflix-ah hun hlimawm leh nuam tak an hman ṭhin thu an sawi a, artist-te duhthusam an zalenna leh thlawpna an pek ṭhin thu an sawi bawk.