Pune court-in Akshay Kumar leh Arshad Warsi inlan turin ko

Pune-a civil court chuan Bollywood actor pahnih, Akshay Kumar leh Arshad Warsi te chu an film chhuak tur, Jolly LLB 3 ah court rorelna zah lohna lantira puh an nih chungchangah October 28-a inlan turin a ko.

Lawyer Wajed Rahm Khan chuan Kumar leh Warsi te lakah hian petition a theh lut a, an film tharah hian legal system chu fiamthu thawhna lam hawia hman a nih bakah, court rorelna zah lohna lantirna a awm tih a sawi. Hei hian dan hmanga rorelna chu a ṭha lo zawngin a lantir thei dawn tih a sawi a ni. Nikum November film teaser hmasa ber tihchhuah a nih hnuah a changtute pahnih bakah film director lakah petition hi a theh lut a ni. Jolly LLB 3 hi legal comedy franchise film pathumna tur niin, 2013-a a film hmasa ber tihchhuah khan Rs vbc 50 a la lut a, a film pahnihna chuan Rs vbc 200 chuang a la lut thei bawk.