'Demon Slayer: Infinity Castle' in presale record siam

'Demon Slayer: Infinity Castle' chuan anime movie zingah presale record a siam a, Demon Slayer: Mugen Train (2021) leh Jujutsu Kaisen (2022) a khum.

Kumin September 12-ah US-a tihchhuah chauh tur ni mah se, 'Demon Slayer: Infinity Castle' hian AMC, Regal leh Cinemark-ah advance booking aṭangin US mtd 10 dawn a hmu der tawh a ni. Tlangzarh a nih karah sum tam tak a lak luh belh rin a ni bawk. US-a anime film tihchhuah zingah kum 26 chhung chu tlangzarh kara sum la lut hnem ber 'Pokémon: The First Movie' niin, USD mtd 31 a lalut a ni. Mahse, presale record aṭangin 'Demon Slayer: Infinity Castle' hian a khum ngei dawn niin a lang. Demon Slayer film hnuhnung ber hi Japanese box office-ah a che ṭha hle a, Japan bikah USD mtd 175 a la lut tawh a ni.