'James Bond chu mipa a ni ngei tur a ni' - Helen Miller

Dame Helen Miller chuan British Secret Service agent, James Bond chu mipa ngei a ni tur a ni, a ti. Hei hi 007 role hi hmeichhia in chang ve tawh se tihthawm awm vang niin a lang.

Saga Magazine-in an kawmnaah Miller chuan spy agent role hi hmeichhia-in a chang anih chuan James Bond a ni thei tawh dawn lo, a ti. 1995-2002 chhung Bond movie pathuma lo chang tawh, Pierce Brosnan pawhin hmeichhia-in chang se a phurawmin a dangdai viau ang tia a sawi hnuah a thusawi sut lehin, 007 chu mipa ngei a ni tur a ni, a ti ve leh bawk. Spy franchise film thar hi Amazon MGM Studios in a produce tawh dawn a, script hi Peaky Blinders creator Steven Knight-a'n a ziak ang. James Bond film 26-na tur a ni a, mahse a changtu tur tihfel a la ni lo a, a chhuah hun tur pawh an la sawi lo. James Bond chang tur hian mi hrang hrang hming sawi lan a ni, British actor pahnih Aaron Taylor-Johnson leh James Norton chu sawi rik langsar zual an ni.