Forest Frank-a'n tihdamna a chang

American Christian pop singer, Forest Frank chuan skateboard-a chetsualna a tawh hnuah, mi ṭhahnem tak ṭawngṭaipuina avangin damna a chan thu a tarlang. Frank hian a fa kum hnih mi nen an infiam laiin skateboard hmanga chesualin a hnungzangah hliam na tak a tuar a, mi hrang hrang aṭanga ṭawngṭaipuina a dawn hnu leh a chetsual aṭanga kar hnih chhung lekin a dam thu a sawi.

Frank hian natna khuma a awm lai pawhin Pathian awmpuina a chan thu a sawi a, damlo chung hian hla thar a tichhuak chhunzawm a ni. Natna khuma a awm laia a hla siam "GOD'S GOT MY BACK" tih chu ngaihthlak theiha peihfel a nih tawh thu IG kaltlangin a tarlang. Frank hla thar hi a official YouTube channel-ah en theih a dah chhuah a ni tawh bawk.