MTV VMA LL Cool J-a'n host dawn

American rapper leh actor LL Cool J chuan kumin MTV Video Music Awards a host dawn tih an puang. Kum 2022 khan Nicki Minaj leh Jack Harlow-te nen VMA-ah hian co-emcee an lo ni tawh bawk.

LL Cool J hian kum 1991 khan best rap award a dawng tawh a, kum 1997 khan rapper zinga a hmasa ber atan Video Vanguard Award a dawng tawh bawk.Kumin VMA-ah hian a album 'The Force' chu best hip-hop catergory-ah nominate a ni bawk.

VMA hi September 7-ah neih tura ruahman a ni a, New York UBS Arena aṭangin live-a pek chhuah a ni dawn a, a vawi khatna atan CBS-in an pe chhuak dawn bawk a ni. Nominee zingah hian Lady Gaga Bruno Mars, Kendrick Lamar, Ariana Grande, Billie Eilish, Rosé, Sabrina Carpenter leh The Weeknd te chu a langsar zual an ni.