2025 Stellar Gospel Music Awards-ah Pastor Mike Jr che ṭha

Kumtina sem ṭhin "Stellar Gospel Music Awards", Inrinni liam taa Schermerhorn Symphony Center, Nashville-a semah Pastor Mike Jr. a che ṭha ber a, nomination pakua a hmuh aṭangin award a hum haw vek thei.

Pastor Mike hian "Artist of The Year" chu a vawi lina atan dawng lehin record lo siam tawhtu Kirk Franklin leh Marvin Sapp-te a khum ta a ni. Pastor Mike Jr. hian Stellar Award a lak tawh zawng zawng hi 28 a tling tawh.

Stellar Gospel Music Awards-ah hian category 30 awmin Pastor Mike hian hmun thuma ṭhena hmun khat deuh thaw a hui thei a, award ngaihhlut "Song of the year" leh "Album of the year" a la tel thei bawk. Cece Winans chu award dawng tam pahnihna niin award pathum a la a, The Group Fire, Ricky Dillard leh Dorinda Clark-Cole te'n pahnih ṭheuh an la ve bawk.

Kumin awards semnaah hian Stellar Awards chuan "Gospel Radio of the Year Awards" chu category paruk aṭangin an sem chhuak bawk. STELLAR PLUS week chu August 14-16 chhung khan buatsaih a ni bawk.