Triumph Aizawl showroom & servicing centre hawng

Minister Vanlalhlana chuan nimin khan Chanmari, Chaltlang road-ah Mizorama a hmasa ber turin Triumph Aizawl (showroom & servicing centre) a hawng.

Triumph Aizawl hian Triumph company siam bike model chi 5 - Speed 400, Scrambler 400X, Scramble 400XC, Speed T4 leh Thruxton 400 te an nei a; Rs 2,29,640 - Rs 3,01,209 man inkar niin, Scrambler 400XC phei hi chu India hmarchhak state-ah an pho chhuak hmasa ber.

UK company Triumph hian kum 2020 khan India ramah sumdawnna huang zauhin Bajaj company nen an thawkdun a; India ram khawpui 120 velah an inbun tawh. Bajaj company nena thawh dunna kaltlang hian Triumph bike zinga 500 CC hnuailamte chu Bajaj's Chakan Plant, Pune-ah siam chhuah ve a ni a, 500 CC chin chunglam chu UK aṭangin lak luh an ni thung.