Mizo Talent show-ah Top 30 hriat ta

LPS buatsaih, "Mahindra XUV 3XO Mizo Talent" first round chu zawhfel a ni ta a, Thawhṭanni zan khan Top 30 a tlingte puan an ni. Top 30 a tlingte hian August 14, 15, leh 16 ah LPS Arena, Falkland-ah in elna an nei leh dawn a, show hi LPS 1-ah live a pek chhuah a ni ang.

First round-ah hian category hrang hrang - zai, lam, instrumental music, magic show leh acrobatic-ahte inelna neih a ni, a hmuhnawmin talent ṭha tak tak hmuh tur a tam belh. Top 30-a tling zingah ngaihhlut hlawh tak mai, phenglawng tum thiam Lalrinawma (16) Nalzawl; magician senior, a ka aṭanga blade tam tak phawrh chhuaktu Lalrama leh Acrobatic thiam bawn tak mai Margareth Malsawmzuali te pawh an tel.

A thiam zual thlan chhuahte an nih tawh avangin show entu pawh an pun chhoh a rinawm a, Top 30 inelna aṭang hian Top 10 thlan chhuah an ni dawn a, August 18-ah a tlingte puan an ni ang.