Pocket Gamer Mobile Games Awards 2025 finalist hriat ta

Kumtina award sem chhuah ṭhin, Pocket Gamer Mobile Games Awards-a category hrang hrang finalist-te hriat a ni ta. Awards atana vote theih hun chu July 31 khan tawpin category 22 aṭanga award dawngtute hi August 19 hian Cologne, Germany-a Gürzenich Köln-ah Gamescom neih kara sem a ni ang.

Nominee zingah hian nikum games awards-a che ṭha, award hrang hrang lo dawng tawhtu Balatro pawh a lang chhunzawm leh a, Monument Valley 3 leh Thronefall pawh nominee zingah an tel. Mobile games industry huanga thawh hlawk chawimawina "Mobile Legend"award pek chhuah a ni bawk ang.

Award sem chhuah tur hi mobile games industry huanga thawh hlawk tak tak - developer, publisher, leh games hrang hrang bakah game service ṭhate, leh tools ṭhate hnenah hlan a ni dawn a ni.