Jonas Brothers-in album thar tichhuak

American pop band, unau zaithiam Jonas Brothers chuan kum 2023 hnua a vawi khatna turin album thar "Greetings From Your Hometown" chu nimin Zirtawpni khan an tichhuak. Album thar hi JoBros studio album pasarihna a ni a, track 14 awmin single-a an tihchhuah tawh hla pali “I Can’t Lose,” “Love Me to Heaven,” “No Time to Talk” leh “Slow Motion”te track-ah hian a tel.

JoBros hian album tihchhuah tur hi thla li liamta khan JONASCON-ah an lo puang tawh. Kevin, Joe, leh Nick Jonas te chuan album chungchang sawiin," He album hi kan damchhung hun kan lo hman tawh, naupan lai aṭanga kan ṭhanlen chhoh dan nghawngtu thil thleng hrang hranga khat a ni" an ti.

Kum 10 chhung rimawi an tihchhuah tawh loh hnu leh solo-a an kal hnuin, kum 2019 khan rimawi huangah JoBros anga rawn kirin tun hi album pathum an tihchhuahna a ni.