VMA nominee zingah Lady Gaga langsar

MTV Video Music Awards 2025 nomination tihchhuah a ni a, nominee zingah Lady Gaga a langsar hle. Nomination 12 hmuin chung zingah chuan video of the year ('Die With a Smile'), artist of the year leh album of the year ('Mayhem') te an tel. Bruno Mars pawhin nomination 11 a hmu a, Kendrick Lamar-a'n dawt lehin nomination 10 a hmu ve bawk.

VMA hian kuminah category pahnih- best pop artist leh best country video a dah belh a, Alex Warren, Blake Shelton, Gigi Perez, Lainey Wilson leh Mac Miller-te chu nominee hmasa ber an ni. VMA hi UBS Arena, Elmont, New York-ah September 7 hian neih a ni dawn a, CBS-in a vawi khatna atan a pe chhuak dawn a, Paramount+ ah live stream a ni bawk ang.