Michael Jackson Tribute Album-ah BTS an tel lo

American singer-songwriter leh dancer, Michael Jackson hriat-rengna leh chawimawina atana album project an buapui mekah BTS an tel ve nia thuthang awm chu BIGHIT MUSIC chuan thudik lo leh belhchian dawn lo a ni tih an puang.

August 3 khan Michael Jackson fan site lar tak, MJ Vibe chuan Ireland-a Grouse Lodge studio neitu Paddy Dunning-a'n The Irish Sun hnenah BTS chuan tribute album lo awm tur atan hla record turin studio an tlawh tih a tarlang a, Ireland-a Michael Jackson a awm chhunga hla a tihchhuah loh a awm tih a sawi bawk. Hemi chungchangah hian BTS agency BIGHIT MUSIC chuan August 5 khan thu dik lo a ni tih puang ve nghalin, BTS hian Ireland-a Grouse Lodge Studio an tlawh loh thu leh, project-ah hian inhnamhnawihna an nei lo tih an sawi.

Thudik lo thehdarh zel tur venna atan agency chuan hma an lak thu an sawi bawk a ni.