Hindi Animation sum la lut tam 'Mahavatar Narsimha'

Director Ashwin Kumar kut chhuak animation movie 'Mahavatar Narsimha' chu tih chhuah a nih aṭanga ni hnih chhung lekin sum a lut hnem nghal hle. Hindi version chuan Rs vbc 1.30 ngawt a la lut thei a, ṭawng danga tih chhuah aṭangin Rs nuai 25 a la lut bawk.

'Mahavatar Narsimha' hian Hindi animation zinga sum la lut tamte a rawn el pha nghal a ni. Hindi animation zinga sum la lut tam ber, Rs vbc 5.50 la luttu, kum 2005-a tih chhuah 'Hanuman' pawh a rawn khum ngei dawn niin a lang.

He animation hi Homble Films leh Klem Production produce a ni a, animation-ah hian Lord Narasimha, Lord Vishnu a rawn pian nawn lehna avatar chak tak, sakeibaknei leh mihring in chawhpawlh koham tak mai chanchin tarlanna a ni. Animation hi Hindi, Kannada, Telugu, Tamil, leh Malayalam ṭawnga pek chhuah a ni.