'Bend It Like Beckham' sequel siam dawn

Sports comedy-drama film, 'Bend It Like Beckham' sequel chu kum 20 chuang a liam hnuah siam a ni dawn tih director Gunrinder Chadha chuan a puang. Kum 2002-a tihchhuahah khan Keira Knightley leh Parminder Nagra te an chang a ni.

Chadha chuan instalment thar hi kum 2027-ah film kum 25-na tlin rual leh Fifa Women's World Cup, Brazil-a neih tur denchhenin tih chhuah tum a nih thu a sawi.

A sequel hi eng angin nge an kalpui dawn a la sawi chiang thei loa, film pangngai angin emaw television series emaw anga tih chhuah tum a ni.

Original movie tih chhuah a nih hnuah pawh mipui chuan hmeichhiaten football an khelh hi an la pawmpui theih loh thu sawiin, ngaih thutak hlawh lo mah se hmeichhe football khel thiam hlawhtling tam tak an awm tawh tih a sawilang. Chadha chuan England squad pawh an inlan dawn tih a sawi bawk.