Zaninah Mizo Idol Hmangaihi MV a chhuak dawn

Mizo Idol 2022 winner, T. Vanlalhmangaihi chuan zanin dar 8 hian a YouTube channel HMANGAIHI tihah 'Tawnmang Biahthu' music video a tlangzarh dawn.

'Tawnmang Biahthu' hi Hmangaihi album thar tur, 'Rimawi Zinkawng' tiha mi tur a ni a, a mentor Mangheta nena an siam dun a ni. A hla thu leh music kalhmang bakah, recording, mixing leh mastering hi Mangheta hian a tihpui vek a, music video hi LUSEI Entertainment Company kutchhuak a nih bakah, album producer an ni nghal bawk.

Hmangaihi album thar tur hi tlangzarh tura peih fel ṭep a ni tawh a, album teaser atan a album-a mi tur hla ngei hmangin bul a rawn ṭan dawn a ni. He album-ah hian hla pariat a awm dawn a, hla pakhat zinga pakhat chu mipui ngaihthlak theihin a rawn chhawp chhuak dawn ta a ni.