MrBeast-a'n "Biggest Collab" siam a tum

YouTuber Jimmy Donaldson, MrBeast tia hriat lar zawk chuan August 1-ah mega event, "Biggest Collab" siam a tum thu a puang, hei hi zawm vek turin khawvel ram hrang hranga content creator-te a sawm.

Khawvela collab lian ber siam a tum thu X-a a post hi a viral nghal a, he event hi zawm an tum thu content creator tam takin an sawi tawh bawk. MrBeast hi YouTube-ah susbcriber ngah leh, content creator zinga sum la lut hnem ber zinga mi a ni. Project lian leh ṭangkai tak tak a siam fo a, heng zingah hian thingṭiak mtd 20 phunna tura NASA engineer Mark Rober nena an hmalakna bakah, tuifinriata bawlhhlawh pound mtd 30-a rit thenfaina hna thawhnaah Team Seas zingah pawh a tel bawk. Kumin May khan kum 30 hnuai lam zingah sum rochun ni lo aṭanga billionaire ni thei hmasa ber a ni. Kum 27 mi ni mekin khawvela billionaire naupang pariatna a ni bawk