Denmark-in mahni hmel, taksa leh aw copyright phalsak dawn

Denmark sorkar chuan AI leh deepfakes hmanga mihring thlalak an duh anga an siam danglam ṭhin laka venna turin,a ram mipuite chu mahni hmel, taksa leh aw copyright a phalsak dawn.

Hmel, taksak leh aw copyright na tur dan siam hi political party hrang hrang pawhin an thlawp vek a ni. Kumin chhungin he dan hi pass fel hman beisei a ni a, dan hi hman a nih hunah chuan an phalna loa AI hmanga an thlalak, taksa leh aw te lo siam danglam chu an khing thei dawn a ni.

A siamtute chu an thlalak/video siamte chu an paih tir bakah, sum chawitir theih an ni bawk ang. Denmark dan siam tum hian ngaihven a hlawh hle a, Europe ram dang pawhin an entawn ve thuai pawh a rinawm.