Travis Scott & Cactus Jack te'n 'JACKBOY2' ti chhuak

American rapper leh songwriter, Travis Scott chuan kum 2017-a a din recording label Cactus Jack Records nen thawk dunin hla hrang hrang dahkhawmna album JACKBOY2 chu nimin Pathianni khan an ti chhuak. He album hi kum 2019-a tih chhuah tawh JACKBOY album chhunzawmna a ni a JB2 album-ah hian track 17 dah a ni.

Scott hian a album tih chhuah tharah hian mi lar ṭha tak tak - Sheck Wes, Don Toliver, Sofaygo leh Wallie the Sensei te a thawhpui. Hei bakah hian GloRilla, Tyla, Vybz Kartel, 21 Savage, Kodak Black, SahBabii leh Waka Flocka Flame-te a thawhpuina pawh a tel bawk.

Album thar hi a hit leh hle rin a ni a, album hmasa zawk JACKBOY zawk kha kum 2019-a tih chhuah a nih khan Billboard 200-ah No 1 a hauh thei a ni. Album hmasa zawkah khan Pop Smoke, Young Thug, Quavo, Offset, Rosalia leh Lil Baby-te nen an lo thawk ho tawh a ni.