Hot Christian Songs No 1-ah 'Hard Fought Hallelujah'

Billboard Hot Christian Songs chart-ah Grammy award wining singer/songwriter Brandon Lake hla, 'Hard Fought Hallelujah' chu No.1 a ni. He hlaah hian Lake hian country music superstar/rapper Jelly Roll a thawhpui.

'Hard Fought Hallelujah' orginal hi nikum November kha tih chhuah niin, Christian/Gospel Songs Chart bakah Christian/Gospel On-Demand Audio Streaming and Christian/Gospel On-Demand Overall Streaming chart-ahte No 1 a rawn ni nghal a, hei bakah All-genre Digital Song Sales chart-ah No 1 ni bawk. Lake hian Christian genre artist zingah kar khat chunga hla streaming ngah ber record a siampui a ni. He hla hi contemporary Christian leh Southern rock inpawlh a ni. He hla hi Pathian khawngaihna, dawhtheihna leh thil tih theihna ropui pholanna niin, harsatna hrang hrangin a chim laia Pathiana rinna nghah tlat pawimawh zia tarlanna a ni. Hun khirh tak an tawh lai pawha Pathian fak lui tlat tura infuihna a ni. Kar 24 chhung No 1 ni tawhin, chart-ah kar 34 a lang tawh a ni.

No 2-ah Forest Frank hla, 'Your Way's Better' chu a lang a, he hla hi 'Child of God' album ami a ni. April thla khan Gabb Music Songs chart-ah No 1 a lo nihpui tawh bawk. Elevation Worship hla 'Praise' chu No 3-ah langin he hlaah hian Brandon Lake, , Chris Brown & Chandler Moor te an lang bawk a ni.