Inter Branch YMA Quiz Competition 2025: Final-ah Chhiahtlang Kawn veng, Republic Veng leh Vaivakawn Branch

Central YMA buatsaih Inter Branch YMA Quiz Competition, 2025 chu zaninah a hmawr bawk a ni dawn ta a; Chhiahtlang Kawn veng, Republic Veng leh Vaivakawn Branch te champion nih tumin an inel dawn. Central YMA YouTube channel-ah live a pek chhuah a ni ang.

Inter Branch YMA Quiz Competition, 2025 hi July 1 aṭang khan neih ṭan niin, elimination round-ah YMA branch 58 an tel. Branch aiawhin mi pahnih zel an tel a ni. Elimination Round aṭang hian intihsiakna tak tak hmachhawn turin branch 27 an tling a; July 3, 4 leh 8 khan Ignite Studio-ah an intihsiak a, an zing aṭang hian branch pakua chuan semi final an lut.

Nilaini zana semi final-ah Chawnpui, Chhiahtlang Kawnveng leh Zotlang (Aizawl) branch-te intum hmasa berin, chhang ṭha ber Chhiahtlang Kawn veng Branch-in final an lut. Match hnihnaah Khawzawl Hermon, Republic Veng leh Zonuam branch-te in tumin, point hmu sang ber Republic Veng Branch-in final an lut. Round hnuhnung berah Chanmari West, Ramhlun Venglai leh Vaivakawn branch-te an intum a, Vaivakawn Branch-in final an lut a ni.

Inter Branch YMA Quiz Competition 2025 final-a intum tur YMA branch pathum aiawhte -

Chhiahtlang Kawn veng Branch YMA

1. Ramdingliana

2. Laldampuia

Republic Veng Branch YMA

1. Lalbiakfela

2. R. Zomuanpuia

Vaivakawn Branch YMA

1. Dr. C. Lalengkima

2. PC Lalthanmawia