'Thinlung Thawnthu' a en theih dawn e

Fanai Pictures movie thar, 'Thinlung Thawnthu' chu zaninah Vanapa Hall-ah a en theih dawn ta. Aiduplay-ah chhawp chhuah a ni nghal bawk ang.

'Thinlung Thawnthu' ah hian tunlai ṭhalaite ngaihven tak tak - Icon star Mawimawia leh Samson, talent nei ṭha tak Diki Khawbel, Miss Universe Mizoram 2024 Melissa Roneihpuii te an chang. Anni bakah Kuki actress Puipui Fanai leh Icon star Dinhlua te an inlan bawk. Senior actress Nu Machhungi pawh kan hmu leh dawn a ni.

He movie hi Champhai leh a chhehvela chan a ni. Director F. Lalrindika niin scriptwriter a ni bawk a, 'Keimi' fim siamtu Christo Pa chu DOP niin Score Ben Opa a ni bawk.

Unau in hmangaihna leh nula tlangval in ngaihzawnna lungchhiat thlak, hmuhnawm tak leh zirtir nei ṭha tak a ni. He film hi Fanai Pictures movie palina tur a ni.