Dan loa betting app promote zingah actor, anchor leh TV host an tel

India rama Enforc-ement Directorate (EC) chuan danin a phal loha betting app promote-tu mi 29 lakah thubuai, Enforcement Case Information Report (ECIR) a ziak lut a, an zingah hian actor, television host, social media infuencer leh YouTuber-te an tel. Public Gambling Act, 1867 bawhchhiaa puhin thubuai siamsak an ni.

ED hian Panjagutta, Miyapur, Cyberabad, Suryapet, leh Visakha-patnam-a FIR panga ziah luh a nih hnuah, Prevention of Money Laundering Act (PMLA) hnuaiah hma an la zui nghal a ni. Dan loa betting kalpuinaah hian platform eng emaw zat an inhnamhnawiha nia rin a ni a, heng zingah hian Junglee Rummy, A23, JeetWin, Parimatch, Lotus365 te pawh an tel. Heng app tih larna atan promoter-te hian sum ṭhahnem tak an dawng niin ED chuan a sawi. Thubuai siamsakte hi thu zawhfiah tura koh an ni dawn a ni. Hetih lai hian an zinga ṭhenkhat chuan an app fak sakte hi danin a khap tih an hriat hnuah inremna an lo siam tawhte chu an tih tawp tawh niin an sawi.