Aiduplay tlangzarh a ni dawn ta

Mizo movie chhawp chhuahna tura duan, Aiduplay chu zanin hian Vanapa Hall-ah tlangzarh a ni dawn.

Aiduplay hi global platform niin, Mizo te’n zau zawka platform kan neih theihna tura duan leh siam a ni. Mizo culture thlenga hnam dangte pawhin an hriat ve theihna app a ni a, Mizo ṭawng leh English subtitle thlan theihin a awm bawk. Ram pathumah server dah a nih avangin a entute pawhin rang takin an stream thei dawn a ni.

Ram dangah pawh awlsam taka hman a nih theihna turin Aiduplay app ah hian coin system hman a ni a, coin hi GPAY, Dedit/Credit mai bakah Redeem code adt. hmanga lei theih a ni. Movie leite hi ni sarih chhung a dam a ni. He app hi Mizo movie bakah Mizo document pawimawh hrang hrang tar chhuahna tura ruahman a ni bawk.

Aiduplay app hi iOS, Android Phone leh Android TV ah download theih a ni a, Gmail/icloud hmangin awlsam taka login theih a ni.