Scarlett Johansson-i'n Samuel L Jackson a khum

Scarlett Johansson film channa thar ber, 'Jurassic World: Rebirth' chu kar liam ta khan tlangzarh niin tlangzarh karah USD mtd 318.3 a la lut nghal a, hei vang hian a channa film ten sum lak luh tam lamah Samuel L. Jackson leh Robert Downey Jr film-te an rawn khum ta.

Johansson film zinga a thawh hlawk zualah hian 'Avengers: Infinity War', 'The Avengers', 'Avengers: Age of Ultron', leh 'Captain America: Civil War' te an tel a, heng film-te hian USD tluklehdingawn an la lut tling vek a ni. Film 18-a lead role a channa aṭangin sum la lut tam ber dinhmun hi a hauh thei a, an sum lak luh belhkhawm hi USD tld 14.61 a tling.

Samuel Jackson chuan dawtin, a channa film hrang hrangte sum lak luh hi USD tld 14.60 a ni a, Robert Downey Jr channate chuan USD tld 14.31 an la lut tawh bawk. An channa film sum la lut tam zual 10 zingah hian Zoe Saldana, Christ Pratt, Tom Cruise, Chris Hemsworth, Vin Diesel, Dwyane Johnson leh Chris Evans te an lang.