Black Sabbath 'Back to the Beginning' show-in USD mtd 190 hmu chhuak

English rock band, Black Sabbath-in 'Back to the Beginning' show an neiha musical director, Tom Morello chuan show an neih aṭangin charity tan USD mtd 190 chuang an hmu chhuak tih a sawi.

'Back to the Beginning' show hi July 5 khan kum 1968-a band an lo dinna bul, Aston, Birmingham, England-a Villa Park-ah an nei a, pay-per-view livestream a pek niin fan mtd 5 chuangin an en. He show hi kum 2005 hnua Black Sabbath original line-up - Ozzy Osbourne, Tony Lommi, Geezer Butler leh Bill Ward ten live-a an perform-na hmasa ber a ni. Osbourne hi Parkinson disease a vei avangin a kal thei tawh lo a, a zai lai pawhin a ṭhu a ni. He show aṭanga an sum hmuh hi Acorns Children's Hospice, Birmingham Children's Hospital, leh Cure Parkinson tan an hlan dawn a ni.