Jon M. Chu-a'n Live-Action 'Hot Wheels' direct dawn

American musical fantasy film, 'Wicked' hlawhtling taka lo direct tawh tu, American film director, producer, leh screenwriter Jon M. Chu chuan Mattel leh Warner Bros Pictures tan live-action 'Hot Wheels' a direct dawn. Writer-director pahnih Juel Taylor & Tony Rettenmaier te chuan a script an ziak dawn a; Robbie Brenner, Abrams, Michael Bostick bakah Arturo Thur de Koós te chuan Mattel Studios tan an produce ang.

'Hot Wheels' hi action film anga ngaih a ni a, Mattel bestselling toy car line behchhana siam a ni. Film siam tur plot hi a la puangzar lo. He project-ah hian Chu hi Warner Bros. leh Bad Robot te nen an thawkho leh dawn a ni. Chu chuan Mattel Studios, Warner Bros. Pictures leh Bad Robot te nen thawh ho chu a phur thu leh, an zinga a tel ve tur chu ropui a tih thu a tarlang. Bad Robot chuan kum 2022 khan Mattel leh Warner Bros te nen 'Hot Wheels' movie-ah an thawk ho dawn tih an lo puang tawh a ni.