Union Minister hlui Irani lemchan lamah kir

Actor aṭanga politician-a in let, India sorkar laipuia minister dinhmun pawh lo chelh tawh, BJP hruaitu Smirti Irani chu lemchan lamah a kir leh.

Irani hi 'Kyunki Saas Bhi Kabhi Bahu Thi' reboot-ah a chang leh a, Star Plus-ah July 29 zan dar 10:30 ah tih chhuah a ni ang. Show hi JioHotstar ah pek chhuah a ni dawn bawk. 'Kyunki Saas Bhi Kabhi Bahu Thi' original hi kum 2000 - 2008 khan pek chhuah niin, Ekpa Kapoor siam a ni a, episode 1,800 chuang a awm. A zawnin kum sarih chhung chu TV show number 1 dinhmun a hauh thei a ni.

Show reboot-ah hian Irani hi a role pangngai, a changtunu ber Tulsi Virani lemah a rawn chang leh dawn a ni. Kum 2000-a a original tih chhuah a nih khan Irani hian episode khatah Rs 1,800 a hlawh a, a reboot-ah hian episode khatah Rs nuai 14 zel a hlawh tawh dawn nia sawi a ni.