Squid Game star Lee Jung Jae 'Annoying Love' ah chang dawn

South Korean actor leh filmmaker, 'Squid Game' star Lee Jung Jae chu tVN romance drama 'Annoying Love' ah a chang dawn. He drama hi kumin kum tawp lama tih chhuah tura ruahman niin, kum 2019-a 'Chief of Staff' a inlan hnua TV drama-a a inlan leh hmasakna ber tur a ni.

'Squid Game' season khatna 2021-a tih chhuah a nih aṭang khan Lee Jung Jae hi Seong Gi Hun lemah a chang a; kumina a season thumna tih chhuah a nih thlengin a lo chang chhunzawm a ni. Squid Game hian khawvel pum ngaihven a hlawhin, Netflix-a drama tih chhuah tawh zinga entu ngah ber a ni a, Lee Jung Jae hian Emmy Award-ah best actor a dawn phah bawk.

'Annoying Love' ah hian Lee Jung Jae hi Hyun Joon lemah a chang dawn a, Lim Ji Yeon lema chang Wi Jung Shin nen an changdun dawn a ni.