'Miss Undercover Boss'-ah ITZY Yuna

tvN drama series thar tur, 'Miss Undercover Boss' ah Korean girl group ITZY member Yuna a chang dawn tih July 1 khan drama production team chuan an puang.

He series hi retro-style office comedy, kum 1990 bawr chho hunlai anga chan a ni dawn a ni. A changtu ber tur hi Park Shin Hye niin, Hong Geum-bo lemah a chang dawn a, Yuna hi Hong Jang-mi, Hong Geum-bo laizawn angin a chang dawn a ni. A character tur hi hmuh nuam, thothang ṭha tak leh ngainatawm tak a ni dawn tih an sawi bawk. He drama hi lemchan lama Yuna inlanna hmasa ber tur a ni. Tun hnai khan ITZY hian an mini album 10-na 'GIRLS WILL BE GIRLS' chu an lo tlangzarh tawh a, drama filming an nei ṭan leh mek a ni. July 4-a KINTEX Outdoor Global Stage, Goyang, Gyeonggi Province-a neih tur Waterbomb Seoul 2025 ah an perform bawk ang.