AC/DC 'Power Up stadium tour' final show neihna tur puang

Hun rei tak aṭanga fans lamin an lo nghahhlelh tawh, AC/DC ' Power Up stadium tour' neih tura final show neihna tur an puang chiang ta. Final show-na neihna atan hian Perth, Australia thlan a nih thu nimin Thawhṭanni khan an puang. Tour hi November 12 aṭanga ṭanin final show hi December 8-ah an nei ang.

Australian rock band AC/DC hian Melbourne, Sydney, leh Brisbane-ah te chuan show vawi hnih ṭheuh an nei dawn a, final show neihna tur Perth-ah pawh show hi vawi hnih an nei dawn bawk. AC/DC tour hi TEG Van Egmond produce niin kum 10 hnua national tour an neih lehna hmasa ber a ni a, kum 2020-a album tih chhuah Power Up album tour a ni pah bawk dawn a ni. Ticket hralh chhuah a nih aṭangin record rawn siam nghalin ticket 370,000 lai an hralh chhuak tling der tawh.