Ather neitute tan 'Mizo Warp Club' din a ni ta

India rama electric hmang two-wheeler siamtu lian, Ather Energy Pvt.Ltd chuan Mizorama Ather scooter neitute tan 'Mizo Warp Club' a din a; Mizoramah Ather kut chhuak two wheeler nei hi mi 1,000 vel an awm tawh.

Mizo Warp Club hi Ather Energy Pvt.Ltd marketing head Saurabh Sharma chuan June 28, Inrinni khan Baptist Centre, Falkland-ah a hawng. Mizo Warp Club hi Ather scooter neitute tana Ather Energy Pvt.Ltd-in a din niin, club member-te'n an enkawl anga, Ather Energy Pvt.Ltd hian club member-te tan thil hrang hrang a buatsaih ṭhin dawn a ni.

Saurabh Sharma chuan Aizawla hmun 13-ah Ather fast charging infrastructure bun a nih tawh thu te, Ather scooter zinga 450 series leitute hnenah battery health 70% chin hnuailam a nih chuan kum 8 warranty (or km 80,000) pein battery thara an thlak sak theih thu te, Mizoramah Ather kutchhuak scooter chi sarih an chhawpchhuah tawh thu leh hrechiang duh tan atherenergy.com ah enfiah theih a nih thu a sawi.