'Grand Galaxy Hotel'-ah Shin Si Ah leh Lee Do Hyun

Korean actress Shin Si Ah chu Korean drama thar 'Grand Galaxy Hotel' ah a changtu ber a ni dawn a, Korean actor Lee Do Hyun nen an chang dun dawn a ni.

Shin Si Ah role chan turah hian a tirah Go Min Si chang tura tih a ni a, mahse he actress hian hmingchhiatna neuh neuh a rawn neih chhoh tak avangin, kumin May thla khan a changtu tur hi an thlak ta a ni. A changtu tur ber thlak a nih tak avangin film siam hun tur pawh thla thuma tih khawtlai a nih thu an puang bawk. Shin Si Ah hi tun hnai khan tvN drama 'Resident Playbook'-ah Pyo Nam Kyung lemah changin mite ngaihven a hlawh chho hle a, budget liam tham drama-a a changtu ber anga a inlan vawikhatna tur a ni. 'Grand Galaxy Hotel' hi Hong Jung Eun leh Hong Mi Ran te ziah niin, director hi Oh Choong Hwan a ni a, tvN drama 'Hotel Del Luna' chhunzawmna tur anga sawi a ni.