Synod Choir-in Inneih hla tichhuak

Mizoram Synod Choir chuan inneih hla ṭha tak mai 'A lairil ber erawh Krista ni se' music video chu Central KṬP YouTube channel-ah thlira ngaihthlak theih turin an dahchhuak ta.

'A lairil ber erawh Krista ni se' hi 'Pathian hmangaihna' album-a mi tho kha a ni a, an conductor T. Laldintluanga phuah niin, CTJ Recording-ah hla hi an record a ni. Music Video hmuhnawm tak hi Gabriel Grafix kut chhuak a ni a, Mizoram Synod Choir album-a inneih hla dahtel hmasa ber a ni nghe nghe.